نصائح أمان لمجتمع الميم قبل المواعدة

أول خطوة... الأمان الرقمي، مهم جداً ومانستهونش بيه. الplatforms دلوقتي عليها أدوات تزود بيها أمانك وخصوصيتك. أهمها الtwo step verification وده option بيخلي الplatform تطلب خطوة زيادة للتأكد من انك انت نفسك اللي بتـlog in بأنها تبعت كود مؤقت على رقمك كـsms او ايميلك او بتكون انت مفعل authenticator زي google authenticator وده بيغير الكود اوتوماتيك كل ٣٠ ثانية ومش بيبقى موجود غير على موبايلك بس وينفع يتعمله back up لو غيرت موبايلك على سبيل المثال، ونصيحة بلاش الotp من الsms غير لو هي اخر ملاذ مثلا. الايميل بديل أأمن والGoogle authenticator أأمن وأأمن جدا.

بالنسبة للpasswords، تليفوناتكم اندرويد استخدموا password او fingerprint او الاتنين سوا كـoption أساسي والتاني بديل. لان مفيش في الاندرويد اجهزة بتقرا بصمة وش 3d dimensional زي الiphones. بالنسبة للiphone بصمة الوش امان فعلا جدا. نصيحة بلاش خاااالص تستخدموا pin code او pattern. دول اقل تأمين ممكن يتعمل لأي جهاز!

الpasswords لازم تستخدموا فيها اربع حاجات حروف uppercase و lowercase وspecial characters وارقام. لو عملتوا الكلام ده، ده مش بس هيحميكوا من ان اي حد يفتح موبايلك او ايميلك او accountلك على اي platform، هيحميك انك يتعملك hack بنسبة كبيرة فشخ اصلا.

الناس بتخاف من الapps لسببين، الناس اللي بتطلع نصابة او حرامية، والعناصر اللي بتطلع تابعة للداخلية وبتقبض على مثليين من الapps. وعشان كده قبل ماتـget involved in dating apps مهم حساباتك تكون مؤمنة تأمين رقمي كويس زي ما قلنا كده بجانب خطوات تانية ووقتها مفيش حد يقدر يعملك حاجة ولا هيلاقي استهدافه لك له معنى ولا نتيجة.

مفيش حاجة اسمها nudes ووشي ظاهر فيها. دي مصيبة وكارثة وسهل يتعمل بيها قضايا وتهم وابتزاز. فوشك + nudes الاتنين سوا لأ! لو في علامة مميزة في جسمك يُفضل انها تتشال بediting زي لو مثلا عامل تاتو.

اول date يكون في مكان عام فيه ناس، زي مثلا كافيه او حتى قهوة. ويُفضل ماتروحش مكان مقفول من اول مرة خاص بيك او باللي بتقابله. اهم حاجة في اول date انك تتعرف تتكلم تshare عشان تبقوا قاريين بعض وفاهمين بتدوروا على ايه وعشان كمان لو حد نيته مش كويسة حرامي نصاب etc بيبان من أولها فشخ.

الsafe sex الsafe sex الsafe sex، اعتبر نفسك بتسمع حديث أمك ثم أمك ثم أمك. ويا جماعة ماتسترخصوش في الcondom في اشكال والوان من durex وفي كمان نوع نازل جديد من فترة اسمه retix لو ملقتش اللي انت عايزه هنا هتلاقيه هنا. ومحدش يتحجج بإنه tight اوي، retix في منه XL.

ياريت كلامي مايخليش ناس تتعقد او تخاف او تقول الدنيا معقدة او خطر او إلخ. انا بقولك خد احتياطاتك مش اكتر وبشرحلك تاخدها ازاي. العيشة في بلدنا صعبة ايوا نعترف بده بس مش مستحيلة. يا حبيبي احنا موجودين في كل فئة في المجتمع حتى جوه مؤسسات الدولة نفسها. لا احنا عدوى ولا مقتصرين عالعامة. صعب نتهدد صعب نتمحي صعب يتفرض علينا عدم الوجود. خليكم واثقين من نفسكم.