دليل التمر والسوبيا في مكافحة الهوموفوبيا

مين فطرة دي؟ جت منين؟ الحقيقة أن مفيش حاجة أسمها 'فطرة الإنسان', 'فطرة' ده مسطلح إسلامي معناه أي حاجة مش عاجبة عامة المسلمين. هي في حاجات مشتركة بين أغلبية البشر نتيجة لأننا فصيلة واحدة من الكائنات الحية. أغلبنا بنجوع فبناكل وبنعطش فبنشرب وبنتعب فبنام, ودي أسمها غريزة وليست فطرة, والدور الأساسي للغريزة هو بقاء الفرد أولًا, ثم بقاء الفصيلة ثانيًا.

الغريزة الجنسية موجودة عند أغلب البشر, ينتج عنها تصرفات 'متوقعة' و 'مألوفة' لكن هذا لا يعني أن الجميع عنده الغريزة دي, أو لأنها عنده أنه هيتصرف نفس التصرفات المتوقعة منه. مش معنى أن الغالبية بتحس بالجوع يبقى كلنا بنحس بيه, ومش معنى اني جعان أني هاكل اللي بتاكله وبنفس الطريقة.

في سنة 1973 تم حذف المثلية 'homosexuality' كمرض من DSM و دليل جميع الأمراض النفسية الموجودة, سنة 1990 منظمة الصحة العالمية حذفتها من ICD-10 وهو دليل لجميع الأمراض المعروفة. وتحول إهتمام علماء الطب من 'ما أسباب المثلية وكيف نعالجها؟' الى التركيز على الإحتياجات الصحية والنفسية للفرد المثلي.

والحقيقة حتى في الفترة اللي كانت تعتبر فيها المثلية مرض, لم تثبت أي طريقة لعلاجها, بل وأثبت إن 'طرق العلاج' اللي كانوا بيتبعوها كانت بتؤدي لأمراض نفسية أسوأ من المثلية نفسها.

أول مرض بسمعهم بيقولو عليه علطول هو 'جدري القرود' عشان كان ترند من فترة وفي أبحاث بتقول أن أغلبية المصابين بيه رجال مثليين. بس أغلب الناس اللي بتقول الكلام ده مفتحتش البحث تقرأه. هو البحث درس عينة مكونة من 528 مصاب, 98% منهم كانوا رجال مثليين, ولكن في نفس البحث تحت transmission هتلاقيهم بيقولو انهم معرفوش يثبتوا انتقال المرض من خلال الجنس لكنهم يشكوا أن التلامس بشكل عام أدى للإنتشار.

يعني هما ميعرفوش الإصابة حصلت ازاي والحقيقة مفيش أدلة لحد دلوقتي بتقول ان جدري القرود بينتقل بالجنس بالتحديد. وده مذكور في صفحة المرض على موقع منظمة الصحة العالمية.