الصحة النفسية
كتير مننا بيواجه مشاكل نفسية مختلفة. الناس بتبص للمرض النفسي نظرة وحشة، وكمان احنا أقلية، فده بيخلي الموضوع أصعب.
بس مهما كانت الدنيا مضلمة، النور ممكن يظهر. الأمل موجود طول ما احنا موجودين، ومفيش حاجة اسمها متأخر على إننا نطلب مساعدة.
علامات تحذيرية للدكتور
إنك تلاقي الدكتور المناسب ليك ممكن ياخد وقت ومحاولات، نادر لما حد بيلاقي الدكتور المناسب من أول مرة. لكن لو لقيت أي من العلامات دي في الدكتور، لازم توقف تروحله على طول
- الدكتور مينفعش يستخف بمشاعرك أو يعمل تعليقات على كلامك. لازم ياخد كل حاجة بتقولها بجدية
- الدكتور اللي مش مركز معاك ميستاهلش فلوسك ووقتك. زي مثلاً لو قاعد يلعب في موبايله أو سرحان
- الدكتور ممنوع يلمسك خالص. (السلام بالإيد عادي لو انت مرتاح كده)
- علاقتك بالدكتور تبدأ وتخلص في العيادة بس، مفيش مقابلات برة ولا مكالمات ملهاش لازمة
- الدكتور ممنوع يقول لحد على اللي بتحكيه، لو عرفت إن حد من أهلك عرف حاجة انت قلتها للدكتور بس، يبقى لازم تدور على دكتور تاني
- لازم العيادة تكون مكان هادي ومريح، لو في إزعاج مستمر زي مثلاً الممرضة داخلة وخارجة على طول، دور على دكتور تاني
دكاترة في القاهرة
دكاترة في اسكندرية
دكاترة في المنيا
مصادر على النت
خط ساخن مجاني للاستشارات
خدمات العلاج النفسي على النت
جروبات الدعم
مصادر تعليمية
Lilac
ليلك منظمة صحة نفسية على النت بتعلم الناس عن الصحة النفسية. دي قايمة الدكاترة اللي بينصحوا بيهم في مصر.